今晚英超上演「默西賽德郡打吡」，愛華頓主場迎戰利物浦，兩支傳統宿敵走勢大不同，「拖肥糖」自從莫耶斯回巢執教後，表現穩步上揚。反觀「紅軍」每況愈下，各項賽事作客4連敗，冇本錢讓波，最好博愛華頓讓球主勝「+1」。（Now 621及611周日晚9時直播）文:Mic少
愛華頓只係落後第5位利物浦5分，有望爭下屆歐聯資格，球員肯定搏命。「拖肥糖」近況不俗，近5場英超3勝1和1負，包括大勝車路士3比0，以愛華頓近3次主場對「紅軍」，獲得1勝2和嘅往績，今仗有力坐和望贏。
利物浦鋒線告急
至於利物浦上周中歐聯8強次回合0比2不敵巴黎聖日耳門，兩回合總共吞4蛋出局，今季已四大皆空。此外，射手艾基迪基受傷提早收咧，另一位前鋒阿歷山大伊沙克傷愈冇耐未有十足狀態。穆罕默德沙拿已落實今夏離隊，未必願意再為「仇人」施洛賣命，鋒線問題多多，加上利物浦近5仗4敗，好可能又失分。
