英超第33輪，紐卡素主場對熱刺，屬爭歐戰一席嘅搶分大戰。主隊紐卡素目前落後第6位嘅曼聯兩分，仍有希望來季踢歐戰。上場作客富咸，紐卡素憑巴西國腳般奴古馬雷斯一箭定江山全取3分，但隊內暫時有12名傷兵，屬英超最多，當中後防傷患問題尤其嚴重，包括保治文、拿修斯、利夫拿文度、捷比亞及馬特泰基特都未能上陣，今場要守住主攻風格嘅熱刺，確有一定難度。
中前場進攻可靠
至於客隊熱刺上場3:1擊敗諾定咸森林，兩位後防球員雲迪尹與柏度樸路各取一個士哥，並趁住維拉失分，以得失球優勢重返第4。今季踢法主動，進攻能力強嘅熱刺，有占士麥迪臣、孫興民及比蘭莊臣幾位風格不同嘅中前場球員助陣，相信攻擊力不成疑問，半場入球大細大盤放心捧場。佩芝
